CUMPLEANOS MARZO

¡Moitas felicidades!

Nenos e nenas 5ºA Educación Infantil
CEIP MANUEL VIDAL PORTELA

DÍA DA POESÍA E DÍA DA ÁRBORE

O 21 de marzo foi un día sinalado especialmente: "Día da Poesía", "Día da Árbore" e ademais comezo da Primavera.

Ao longo da semana realizáronse varias actividades no cole, unha das máis destacadas foi a visita de mestres xubilad@s que estiveran no noso cole e esta semana volveron para pasar un ratiño con nós e recitarnos varios poemas.

A outra actividade destacada foi a plantación de árbores na Illa das Esculturas. Todo o profesorado e alumnado do cole fomos paseando pola beira do río ata chegar ao lugar que tiñamos sinalado para plantar as nosas árbores. Polo camiño fomos acompañados dos maiores de 5º de Primaria e unha vez alí axudamos na plantación e escoitamos uns poemas recitados polo alumnado que nos acompañou.

Agora, de cando en cando, pasaremos por esa zona para ver como van crecendo as nosas árbores.

PREPARANDO O SALÓN DO LIBRO

Nestes días estivemos traballando coas nenas e nenos da profe Águeda para rematar o noso conto do Salón do Libro e poder levarllo a Orbil. Quedou ben chulo, pero tivemos que esforzarnos moito para rematalo a tempo.

Estamos moi content@s do resultado, tivemos que:

- elaborar a historia

- facer e recortar os debuxos

- decorar os fondos das páxinas

- escribir os textos de cada parte

- facer varias propostas para o título e decidir a que máis nos gustaba

e finalmente poñernos dacordo na montaxe do libro para que o resultado nos agradase a tod@s.

Ás veces traballamos cada grupo por equipos na súa clase e outras fixémolo xuntos e nos organizamos moi ben.

Aquí temos o resultado

E xa listo para marchar cara o Salón do Libro cos outros libros de Infantil. A montaxe final é froito do traballo de todo o alumnado do ciclo. Estamos moi orgullos@s do noso "Mundo do Revés".



Nenas e nenos 5ºA Educación Infantil
CEIP MANUEL VIDAL PORTELA