AS NOSAS CIDADES XEOMÉTRICAS.

Xogando coas distintas formas,  imos facendo construcións que   observamos pola rúa

 VÍCTOR

 JULEN

 PABLO- CAMPO DE FUTBOL

 ENZO

 JOEL

 LOIS .- GARAXE

ALBA
Nenos e nenas 6ºA Educación Infantil

AL LIÑAS E A XEOMETRÍA

Ao longo do mes de Maio estivemos afondando arredor da Xeometría: na casa, na rúa e nas obras de diferentes pintores. 

Xogamos coas liñas, as cores e as formas e aquí temos unha mostra con fermosos resultados.

Liñas pechadas

Nenos e nenas 6ºA Educación Infantil

IMITANDO A YAYOI KUSAMA

E para rematar esta semana de Arte viaxaremos ben lonxe, ata Xapón. Imos coñecer un pouquiño mellor a unha artista da que xa falamos fai algún tempo, Yayoi Kusama. 

Esta muller coñecida en todo o mundo, utiliza as formas redondeadas, os puntos e lunares para crear fantásticas obras como as que aparecen no seguinte vídeo:

A continuación tendes 2 das súas obras:

Observade ben, prestade atención ás formas, porque un dos elementos máis utilizados por Yayoi son como podedes ver os lunares.

A tarefa de hoxe consiste en facer o voso propio cadro cunha condición: que estea feito a base de LUNARES de cores.

Podedes facer unha paisaxe, debuxarvos vós, unha composición libre... o que queirades, pero tendes que encher a folla e estar feito ou decorado a base de lunares de cores. 

Utilizade os materiais que queirades: pintura, ceras, rotuladores, papeis variados para collage...

E cando teñades rematado, buscade un título e amosade o resultado para que todas e todos poidan desfrutalo.

Nenas e nenos 6ºA Educación Infantil 

LIÑAS ABERTAS E PECHADAS

E para comezar esta nova semana imos xogar un pouquiño coas liñas. Seguiremos con "Xeometría" pero, desta volta, imos probar con algo diferente. Mirade o seguinte vídeo:

Agora tócanos a nós, pero en lugar de facer moitas liñas imos facer unha soa ¿como?...

Pois da seguinte maneira:

- Collemos un papel e un rotulador da cor que queiramos

- Empezamos no lugar do papel que máis nos guste e garabateamos sen levantar o rotulador
- Cruzamos dun lado a outro varias veces, trazamos curvas e rectas ata que decidamos parar
- Rematamos no punto de inicio

(Fixemos unha sola liña pero acadamos moitos espazos pechados diferentes)

- Para rematar coloreamos cada espazo pechado dunha cor, pódense repetir pero non quedar 2 cores iguais xuntas. 

A tarefa estará rematada cando a folla estea toda coloreada facendo un fermoso mosaico.

Aquí tendes algúns exemplos xa empezados que vos poden servir de modelo.

 

 

Nenos e nenas 6ºA Educación Infantil

DESCUBRIMOS COA XEOMETRÍIA

Seguindo coa Xeometría, imos comezar por ver este novo corto do "Bosque dos Comos".

Aínda que non coñeceramos o nome "Corpo Xeométrico", seguro que ao ver as diferentes formas xa nos decatamos de que se trataba. 

Pois ben, onte, tomamos medidas de partes e cousas da casa. Hoxe, cando saiamos de paseo ou mirando pola ventá, imos fixarnos nas diferentes formas que podemos atopar na rúa. Seguro que vemos corpos con formas redondas e planas como decía no vídeo.

A tarefa proposta é buscar pola casa caixas, botes, pezas de xogos... coas que podamos representar algúns deses "corpos xeométricos" que atopamos na rúa: árbores, edificios, farois, fontes...

¿Que se vos ocorre que podemos construír?... Xogade coas pezas que atopedes, dádelles voltas, construíde a vosa cidade ao voso gusto.

Cando a teñades non esquezades sacarlle unha foto para ensinarlla aos demais.

 

Nenas e nenos 6ºA Educación Infantil.

A XEOMETRÍA NA VIDA

¿Que é a Xeometría? ¿Onde está?
Pensade e escribide 2 ou 3 palabras como resposta.
E unha vez que as teñades imos ver o seguinte corto da serie “O Bosque dos Comos”.

 Agora xa sabemos que a nosa vida está rodeada de Xeometría, seguro que as vosas respostas tamén expresaban o mesmo, que todos os obxectos que podemos ver e tocar teñen diferentes formas.

Tamén sabemos que podemos representalos como figuras planas no papel debuxando a súa forma, ou por medio doutros materiais para darlles volume. 

Así que imos pensar en partes e cousas da casa que teñan diferentes formas e medidas. Podemos empezar por tomar esas medidas (alto, ancho, longo) como: 

- A nosa habitación, a porta, a mesa, un caixón… ou todo canto se vos ocorra. 

Ide anotando esas medidas e debuxando e escribindo nunha folla de que se trata. 

Tentade facelo a lo menos con 5 elementos ben diferentes.

Nenos e nenas 6ºA Infantil